MÉMWA AN-NOU

 POU KRÉYÒL, ZÒ TIN OSI, KARÉSÒL (Nichtwèl a Misyé Janpyè CHAVILLE)

Kòsyè-la sé : http://www.karesol.org/Bak_Kreyol.html

----------------------------------------------------------------------------

MÉMWA AN-NOU

ANBA ZANMANN-LA OBÒ PLAJ-LA!

BÈL BONJOU LAFANMI! KI JAN A-ZÒT!

Mi on bon ti koté, la nou ké pé jwenn – kivédi blòg-lasa – pou nou pé sa vwè, li, apwann, dékouvè, wouvwè, chonjé, chouké an mémwa an-nou, sa ki bon pou nou.

On koté, la nou ké pé konsui, sa nou yé. Men, on ti pokosyon kanmenm! On ti avèti! Sa zò ké pé li, asi « MÉMWA AN-NOU », ké maké piplis an lang an-mwen. An Gwadloupéyen! Palapenn pè! Ké tini biten an Ayisyen, an Mawtiniken, an Fwansé osi délè, dayèpouyonn. Lèwvwè on awtik pa maké an lang pi fasil a-w, pa pè! Chakmoun-la ké pé ay, an pwòp balan a-y, ki ta-y, kanmenmsa. Tipa a tipa, é nou ké rivé lwen. "Bòdlanmè pa lwen" kon foto-la nou pwan la, ka woudi-nou, on mannyè bèl é blé. Kon lanmè-la, menm, ki ka fè ganm! Ki ka fè lanm! Lanm a lanmè... ka menné lanmou ba désèwten moun! Woulé lépèp! Bèl lang, bèl moun! Ka zò di?

ON KRÈY-MOUN, PÉ KA RIVÉ A PÈD FIL A-Y, ADAN ONSÒT KALTÉ DRIV, SAN BOUT, SAN JANMEN SAV, KIMOUN YO YÉ, LÈWVWÈ KRÈY-MOUN-LASA, PA RIVÉ GIDONNÉ MÉMWA A-Y, KI TA-Y.

UN GROUPE HUMAIN SANS SA MÉMOIRE S'EXPOSE A L'ERRANCE IDENTITAIRE

"MÉMWA AN-NOU" KA LÉVÉ WÒCH, A MENNÉ PA A-Y, ADAN KÈKSYON A, SANBLÉ MÉMWA A MOUN-GWADLOUP. PASI ONDÒT BÒ, I KA RÉDÉ ONDÒT BRANCH A LIMANNITÉ, NOUMENM AN-NOU ADAN-Y, FWITAYÉ BÈL.

"MÉMWA AN-NOU" SE PROPOSE D'APPORTER SA PIERRE A L'EDIFICE MÉMORIEL GUADELOUPÉEN ET CONTRIBUE AINSI A L'ETOFFEMENT D'UNE BRANCHE PARMI LES AUTRES.

GWADLOUPÉYEN KÉ PÉ APWANN, DÉKOUVÈ PIFON, KIMOUN NOU YÉ. É MOUN-DÒT-KOTÉ KÉ KONÈT YOMENM PIBYEN, AN JAN YO KÉ VWÈ-YO, ANDIDAN KOKO-ZYÉ AN-NOU, É AN JAN YO KÉ VWÈ-NOU, KA VOYÉ-ZYÉ ANLÈ NOUMENM AN-NOU, É LARÈSTAN MOUN ALANTOU AN-NOU; ÈVÈ AN JAN YO KÉ VWÈ-NOU, KA GADÉ TILATÈ-LA, KI SÉ TAN-NOUTOUT. TÈ A TOUTMOUN, PITIT A BONDYÉ.

LES GUADELOUPÉENS Y APPRENDRONT A MIEUX SE CONNAÎTRE, ET LES AUTRES, A MIEUX SE CONNAITRE, EN SE VOYANT, DANS NOTRE REGARD, POSÉ SUR NOTRE MONDE COMMUN A TOUS. LE MONDE DES HOMMES.

DOTWA MÈTMO AKA « MÉMWA AN-NOU » :

KALIBOUKA coinvestissement BOKANTAJ échange PALKONDUIT accompagnement SÈRYOZITÉ sérieux LISWA histoire PAKANPAK solidarité MÉMWA mémoire YONNALÒT entraide BAYALADÉSANN transmission